+7 (777) 001 44 99
Қазақша
Русский
English
12 ақпан 2024 | 09:32
Талдықорғанда екі әйел босанғаннан кейін қайтыс болған: тергеу басталды
Талдықорғанда перзентханадағы екі әйелдің өліміне қатысты қызметтік тергеу басталды, - деп хабарлайды Tengrinews.kz тілшісі.
ПОДЕЛИТЬСЯ
Талдықорғанда перзентханадағы екі әйелдің өліміне қатысты қызметтік тергеу басталды, - деп хабарлайды Tengrinews.kz тілшісі.
Жетісу облыстық Денсаулық сақтау басқармасы Талдықорғандағы облыстық перинаталдық орталықта екі адамның өлімі дерегі болғанын растады.
"Жыл басынан бері Жетісу өңірінде "Облыстық перинаталдық орталық" мемлекеттік қазыналық кәсіпорны базасында ана өлімінің екі оқиғасы тіркелді", - деп хабарлады Денсаулық сақтау басқармасы.
Бұл ретте туыстарының рұқсатынсыз мәйіттерді ашу туралы шағымдарға жауап берген басқарма өкілдері, ана өлімінің барлық жағдайы бойынша сараптама жүргізілетінін айтты.
"Қазақстан Республикасы Денсаулық сақтау министрінің 2020 жылғы 14 желтоқсандағы "Қазақстан Республикасында патологиялық диагностикамен қамтамасыз етуді ұйымдастыру стандартын бекіту туралы" бұйрығының 125-бабына сәйкес, ана өлімінің барлық жағдайында қайтыс болғаннан кейін 24 сағат ішінде сараптама жасалады", - деді ведомство өкілдері.
Қазіргі уақытта тергеу амалдары мен қызметтік тексеру жүргізіліп жатыр. Медицина қызметкерлерінің кәсіби жарамдылығына мониторингті Денсаулық сақтау министрлігі Медициналық және фармацевтикалық бақылау комитетінің Жетісу облысы бойынша департаменті жүзеге асырады.
Еске сала кетейік, осыған дейін редакциямызға Талдықорғандағы перзентханада әпкесі жұмбақ жағдайда қайтыс болған қыз хабарласқан болатын. Кейінірек Талдықорғандағы дәл осы перзентханада босанған тағы бір әйел қайтыс болғаны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
