Талғар маңында атыс болды

Әлеуметтік желіде Алматы облысында болған атыстың видеосы тарады. Қолданушылардың айтуынша, оқиға Талғар тасжолының бойындағы Тұздыбастау ауылында болған, - деп хабарлайды Tengrinews.kz тілшісі.

Құқық қорғау органдары оқиғаға қатысты пікір берді. Алматы облысы Полиция департаментінің мәліметінше, бұзақылық бабы бойынша қылмыстық іс қозғалған.

"Оқиғаға қатысқандардың бәрі полицияға жеткізілді. Зардап шеккендер жоқ. Қазіргі уақытта оқиғаның мән-жайын анықтау жұмыстары жалғасып жатыр", - деп хабарлады ведомство.

Әзірге атыс себептері мен қатысушылардың мақсаты не болғаны туралы ресми ақпарат берілген жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!