16 желтоқсан 2024 | 16:08

Талғарда ер адамдар жанжалы видеоға түсіп қалды

видео кадры

Талғарда екі ер адамның жанжалы видеоға түсірілді, - деп хабарлайды Tengrinews.kz тілшісі.

Куәгерлердің айтуынша, олардың бірінің қолында пышақ болған. Ол қарсыласына: "Қарныңды ақтарамын!" деп айқайлаған.

Оқиға Талғарда Қонаев пен Абай көшелерінің қиылысында түнгі сағат 03:55-те түсірілген. Видеодан ер адам екіншісінен қашып бара жатқанын көруге болады. Оларды ажыратуға тырысқан әйел де жүгіріп жүргені байқалады.

Назар аударыңыз! Видеода бейәдеп сөздер бар.

Қазіргі уақытта полиция видеодағы адамдарды анықтап жатыр.

"Бұл жағдай бойынша полицияға шағым түспеген. Дегенмен оқиға Талғар аудандық полициясында тіркелді. Қазіргі уақытта болған жағдайдың барлық мән-жайын анықтау үшін тексеру жұмыстары жүргізіліп жатыр", - деп мәлімдеді Алматы облысының полициясы.

Еске салайық, бұған дейін сайлау нәтижесі бойынша Талғар әкімі анықталған болатын. Талғар әкімі болып Арыстанбек Әбілқайырұлы сайланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Талғар ауданы жанжал

Редакция сұрағы

Бұл туралы не ойлайсыз?