+7 (777) 001 44 99
Қазақша
Русский
English
13 қараша 2023 | 12:15
Таразда жасөспірім мектепке "террористер шабуыл жасағаны" туралы хабарлаған
Таразда 11 жастағы бала әпкесінің телефонынан полицияға қоңырау шалып, мектепке лаңкестер шабуыл жасағаны туралы хабарлаған, - деп хабарлайды Polisia.kz.
ПОДЕЛИТЬСЯ
Таразда 11 жастағы бала әпкесінің телефонынан полицияға қоңырау шалып, мектепке лаңкестер шабуыл жасағаны туралы хабарлаған, - деп хабарлайды Polisia.kz.
Қоңырау түскен бойда барлық шұғыл қызметтер көрсетілген мекенжайға тез арада жетті. Оқу орнынан 750 адам эвакуацияланды. Полиция қызметкерлері бүкіл ғимаратты және оған іргелес аумақты толық тексерді. Тексеру нәтижесінде қандай да бір заттар мен бөгде адамдар анықталған жоқ.
"Жедел-іздестіру іс-шараларын өткізу барысында тәртіп сақшылары бұрын осы мектепте оқыған кәмелетке толмаған баланы анықтады. Психологтың, ата-анасының және мұғалімнің қатысуымен жүргізілген әңгімелесуде кәмелетке толмаған бала әпкесінің ұялы телефонынан қоңырау шалып, қалжыңдамақ болғанын жеткізген", - делінген хабарламада.
Осы факт бойынша ҚК-нің 273-бабымен "Терроризм актісі туралы көрінеу жалған хабарлау" соталды тергеу басталды.
"Бұл ретте терроризм актісі туралы жалған хабарламалар таратқаны үшін жаза өте қатаң екенін ескертеміз, бұл бес мың АЕК-ке дейінгі айыппұл немесе бес жылға дейін бас бостандығынан айыру немесе шектеу жазасы. Егер қылмысты кәмелетке толмаған бала жасаса, жауапкершілік оның ата-анасына немесе заңды өкіліне жүктеледі", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
