Теміртауда белгісіз біреулер Лениннің ескерткішін атып кетті

Теміртаудағы "Еңбек даңқы" тастанды саябағында белгісіз вандалдар Владимир Лениннің ескерткішіне оқ атқан, - деп хабарлайды Nv.kz.

Жергілікті тұрғындардың бірі бұл оқиғаның кездейсоқ куәгері болған. Сол күні кеште әйел адам итімен серуендеп жүрген. Содан әйел біреулердің күліп, мас күйде айғайлап жүргенін естиді. Алайда олардың түрін көрмепті. Осыдан кейін атысты естіген. Қорқып қалған әйел үйіне кетіп қалыпты.

Келесі күні тұрғын саябаққа келіп, ескерткіштегі оқ іздерін көрген. Сөйтіп, ол бұл оқиғаны теміртаулық тілшілерге айтып, олар өз кезегінде қалалық ішкі істер басқармасына хабар берген.