"Түнде көше кезіп жүрген". Теміртауда жалғыз жүрген бала табылды

Өткен түнде Теміртауда 7-шағынауданда көшеде жалғыз жүрген бала табылды. Ол шамамен 3 жаста, - деп хабарлайды Tengrinews.kz тілшісі.

Бала жергілікті Полиция бөліміне жеткізілген. Ол сөйлемейді. Қазір полицейлер оның ата-анасын іздеп жатыр.

"3 жасар қыз түнде Теміртауда 7-шағынаудандағы көшеде табылды. Ол сөйлемейді, сондықтан оның аты-жөні белгісіз. Қазір бала кәмелетке толмағандарды бейімдеу орталығына жіберілді. Оның туыстарын іздейміз. Бірақ әзірге баланың жоғалғаны туралы арыз түскен жоқ", - деді Қарағанды облысы ПД бастығының орынбасары Әбіл Әбілдин.

Тәртіп сақшылары тұрғындардан оның ата-анасы туралы мәлімет білсе, 102 және 87021456535 нөмірі бойынша немесе жақын маңдағы Полиция бөліміне хабарласуын сұрайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!