"Хайвилл" тұрғын үй кешенінде болған өрттен төрт адам қаза тапты

Астанадағы "Хайвилл" тұрғын үй кешенінде болған өрттен төрт адам қаза тапты, - деп хабарлайды Тengrinews.kz тілшісі. Бұл туралы мәліметтерді ҚР ІІМ ТЖД ресми өкілі Руслан Иманқұлов растап берді. 

2017 жылы 14 шілдеде таңғы 05:06-да 24-ші қабатты "Хайвилл" тұрғын үй кешенінің тоғызыншы қабатында түтін шыққаны жайлы хабарлама түсті. 

"65 шаршы метрлік жалпы көлемде жиһаз , тұрмыстық техника және үй заттары өртенген. Өрт салдарынан шыққан газ иісінен төрт адам қаза тапты, оның екеуі балалар", - деді ТЖ Комитетіндегілер. 

Оқиға орнына биік ғимараттардағы өртті сөндіруге арналған арнайы техника мен жеке құрамның 25 адамы тартылған. Мамандар өрттің неден шыққанын анықтап жатыр.