Жануарлардың денесі суда қалқып жүр: Көкшетау әкімдігінің өкілдері тұрғындардың шағымына жауап берді

Көкшетау тұрғындары өзен суындағы қоқыстар мен онда жануарлардың денесінің қалқып жүргеніне шағымданып жатыр, - деп хабарлайды Tengrinews.kz тілшісі.

Әлеуметтік желілерде өзендегі жануарлардың денесі мен түрлі қоқыстар жатқаны түсірілген видео жарияланып жатыр. Көкшетау әкімдігінің өкілдері бұл деректі растады.

"Жақын арада Қылшақты өзені мен өзен жағасын тазалау жұмыстары басталады. Мұз еріп болсын. Сондай-ақ, биыл бес шақырым қашықтыққа дейінгі өзен арнасын тазарту жұмыстары жоспарланып отыр", - деп хабарлады Көкшетау әкімінің баспасөз хатшысы Мырзабек Мырзахметов.