Желіде Алматы әуежайының маңында ұшақтың сөндіріліп жатқаны түсірілген видео пайда болды

Желіде Алматы әуежайының маңында ұшақтың сөндіріліп жатқаны түсірілген видео пайда болды, - деп хабарлайды Tengrinews.kz тілшісі. Көбі мұны өрт деп ойлап қалған.

"Әуежайда ұшақ өртеніп жатыр. Екі өрт сөндіруші сөндіріп жатыр. Ұшақ мұнда біраз ай тұрды, содан бірден өртеніп кетті", - дейді видеоға түсірген куәгер.

© kris_p_almaty

ҚР ІІМ Төтенше жағдайлар комитетінің өкілдері онда оқулар өткізілгенін айтады.

"Әуежай бүгін оқулар өтетінін хабарлады. Ол өртке ұқсайды. Оқуды әуежайдың өрт сөндіру қызметіндегілердің өзі жүргізеді. Біздің бөлімшелердің қатысуынсыз", - деп түсіндірді ҚР ІІМ ТЖК ресми өкілі Руслан Иманқұлов.