Жүргізушілер мұз қатқан Қарағанды-Нұр-Сұлтан тасжолында тұрып қалған

Жүргізушілер Қарағанды - Нұр-Сұлтан тасжолында болған жағдайды видеоға түсіріп алды, - деп хабарлайды Tengrinews.kz тілшісі.

"Өмірімде мұндайды бірінші рет көріп тұрмын. Көліктер жүре алмай тұр. Жол-көлік оқиғалары болып жатыр. Сондықтан жолдарда абай болыңдар. Сұмдық жағдай, жердің бәрі мұз", - дейді видео авторларының бірі.

"ҚазАвтоЖол" АҚ баспасөз қызметіндегілердің мәліметінше, қазіргі уақытта жол тазартылды, көлік қозғалысына рұқсат. Баспасөз қызметінің жетекшісі Маржан Ордабай бұл видеоның 4 желтоқсанда сағат 23.20-да түсірілгенін айтты.