Жүргізушінің соңынан түсіп, қаза тапқан сержант полицияға әке жолын қуып келген

Манас Жантекеев

А?мола облысында ереже б?з?ан ж?ргізушіні? со?ына т?семін деп мерт бол?ан 24 жаста?ы полицей б?л ?ызметке ?кесіні? жолын ?уып келген, - деп хабарлайды Tengrinews.kz тілшісі облысты? ІІД баспас?з ?ызметіне сілтеме жасап.

Ақмола облысында ереже бұзған жүргізушінің соңына түсемін деп мерт болған 24 жастағы полицей бұл қызметке әкесінің жолын қуып келген, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Айтмағамбетов Рүстем Серікұлы 1992 жылы 14 наурызда дүниеге келген. Ішкі істер органдарында 2014 жылдан бері істеп келген. Отбасын құрмаған.

"Полицияға Айтмағамбетов Рүстем ұзақ жылдар ішкі істер органдарында қызмет еткен әкесі Айтмағамбетов Серік Армиянұлының ізімен келген. Айтмағамбетов Серік қызметін 1991 жылы жол-патрульдік полициясының шенінде бастап, 25 жыл бойы қызмет еткен. Осы жылдың шілде айында ІІД ЖПҚ жол-патрульдік полициясының полиция ротасы қызметінен зейнетке шыққан болатын.

Әкесінің ісін ұлы Рүстем жалғастырып, қызметіне адал болған. Ол полицияның жауапты қызметкері, жақсы дос және мейірімді ұл еді", - делінген баспасөз қызметінінң хабарламасында.

ІІБ мен ҰҰ ардагерлерінің кеңесі және Ақмола облысының Ішкі істер департаментінің жеке құрамы полиция сержантының қайғылы қазасына байлансты отставкадағы полиция старшинасы Серік Айтмағанбетовке және тусытары мен жақындарын көңіл білдіріді.

Рүстем Айтмағамбетовты ақтық сапарға шығарып салу 29 желтоқсан күні сағат 10:00-де Қарағандының № 1 мешітінде өтеді.