Анатолий Тимощук "Қайрат" сапынан кетті

Алматылық «Қайраттың» украиналық жартылай қорғаушысы Анатолий Тимощук клубтан ресми түрде кетті, - деп жазады Kazfootball.kz порталы.

37 жастағы жартылай қорғаушы "Қайрат" сапына 2015 жылы қосылған болатын. Сол уақыттан бері ол клуб сапында ішкі біріншілікте 31 кездесуге қатысып, бір гол соқты.

"Мені үнемі қолдап, маған демеу болған жанкүйерлерге алғысымды айтқым келеді. "Қайрат" сапында өткізген бір жарым жылымды ешқашан ұмытпаймын. Бүгін қоштасатын сәт келіп отыр. Бірақ, мен енді Алматыға жиі-жиі келіп тұрамын. Барлықтарыңызға рақмет", - деді Тимощук жанкүйерлермен кездесу барысында.