Аршавин "Қайраттан" кетеді - БАҚ

"Зенит" клубының басшылығы "Қайрат" ФК-мен Андрей Аршавинді қайтару жөнінде келіссөздер жүргізіп жатыр, - деп хабарлайды Life.ru. Басылым мәліметінше, клуб қожайыны Қайрат Боранбаевпен келіссөздер жүріп жатыр екен.

Life.ru мәліметінше, келіссөздерге тосқауыл болар ештеңе жоқ, тек Аршавиннің өзі және клубтың бапкері Роберто Манчини оның келуіне келісімін беруі тиіс.

"Гений және соңғы 25 жылдағы Ресейдің ең үздің футболшысы Алматыда өзін бақытты сезінеді, алайда Питердің аты Питер. "Зенитке" Аршавин қатты көмек бере қоймас, ал "Қайрат" үшін әлі бірнеше маусым ойнай алады. Бірақ елге оралып, спорттық мансабын аяқтауға бұдан басқа әдемі мүмкіндік шыға қоймас", - деп жазды мақала авторлары.