"Барселона" қақпашысы Чемпиондар лигасында алаң ортасынан гол жіберіп алды

Испанияның "Барселона" клубының қақпашысы Чемпиондар лигасында "Рома" командасымен болған ойында алаң ортасынан гол жіберіп алды, - деп хабарлайды Vesti.kz. Римде өткен кездесу 1:1 есебімен аяқталды.

Матчта есепті Луис Суарес 21-ші минутта ашты. Ал он минут өткеннен кейін "Рома" есепті теңестірді. 24 жастағы жартылай қорғаушы Алессандро Флоренци алаңның ортасында оң жақ қапталдан теуіп, каталондардың қақпашысы Марка-Андре тер Стегенның басынан асырды.