Бауыржан Исламхан араб клубы сапында екі нәтижелі пас берді

Футболдан Қазақстан құрамасының капитаны Бауыржан Исламхан "Әл-Айн" сапында кезекті матчіне қатысып, командасының жеңіске жетуіне көмектесті, - деп хабарлайды Vesti.kz. 

"Әл-Айн" БАӘ чемпионатында "Хатта" командасымен кездескен. Хаттада өткен матч қонақтардың жеңісімен аяқталды - 3:0. Бауыржан Исламхан алаңға бірінші минуттан шықты. 

Матчтің 50 және 69-минуттарында "Әл-Айн" ойыншылары Исламханның пасынан кейін гол соқты. Матчтің ақяталуына екі минут қалғанда Бауыржанның командасы тағы бір доп салды.

Исламхан араб клубы сапында барлық турнирде жеті матч өткізді. Әзірше гол соққан жоқ.