Бауыржан Исламхан қазақстандық клубпен келісімшартқа отырды

Бауыржан Исламхан шымкенттік "Ордабасы" клубымен ресми келісімшартқа отырды, - деп хабарлайды Tengrinews.kz тілшісі Vesti.kz сайтына сілтеме жасап.

"Қазақстан құрамасының жартылай қорғаушысы Бауыржан Исламхан "Ордабасы" футбол клубымен келісімшартқа отырды. Бато кәсіби мансабын "Тараз" сапында бастаған. Бұдан бөлек, "Астана", "Қайрат", ресейлік "Кубань" мен БАӘ-нің "Әл-Айн" командаларында ойнаған", - делінген клуб хабарламасында.

Бауыржан Исламхан 9-нөмірлі жейдеде өнер көрсетеді.

Еске салайық, Исламхан 2020 жылғы желтоқсанда "Аль-Айн" құрамында екі жылға ойыннан шеттетілген болатын. Қазір дисквалификация уақыты аяқталды.

Шымкенттіктер Қазақстан чемпионатының бастапқы ойынын 4 наурызда өз алаңында ақтаулық "Каспийге" қарсы өткізеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!