"Челси" УЕФА Суперкубогін жеңіп алды

Лондондық "Челси" испаниялық "Вильярреалды" жеңіп, УЕФА Суперкубогін иеленді, - деп хабарлайды Tengrinews.kz тілшісі.

Солтүстік Ирландияның Белфаст қаласындағы "Уиндзор Парк" стадионында өткен кездесудің негізгі уақыты 1:1 есебімен аяқталды. Хаким Зиештің голына (27-минутта) испандар Жерар Мореноның дәл соққысымен (73-минутта) жауап берді.

Қосымша уақытта командалар алға шыға алмады. Нәтижесінде жеңімпаз пенальти сериясында анықталды. Мұнда "Челси" ойыншылары 6:5 есебімен жеңіске жетті.

Еске салайық, өткен маусымда "Челси" Чемпиондар лигасында топ жарған, ал "Вильярреал" Еуропа лигасын жеңіп алған еді. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!