EURO-2020: Ресей турнирдегі алғашқы жеңісіне қол жеткізді

Ресей құрамасы футболдан Еуропа чемпионаты топтық кезеңінің екінші турында Финляндияны жеңді, - деп хабарлайды Tengrinews.kz тілшісі.

Ойын Санкт-Петербургтегі "Газпром Аренада" өтті. Жанкүйерлер бұл ойында бір ғана гол көрді. Бірінші таймның соңында Алексей Миранчук Финляндияның айып алаңына еніп, бірнеше қорғаушының тасасынан дәл соққы жасады - 1:0.  

Осылайша, Ресей құрамасы ЕURO-2020 турниріндегі алғашқы жеңісіне қол жеткізді. Команда үш ұпаймен екінші орынға көтерілді. Олардан жеңілген Финляндия құрамасының да еншісінде үш ұпай бар, бұл команда үшінші орында тұр. 

Енді Ресей шешуші турда Даниямен, ал Финляндия Бельгиямен кездеседі.  

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!