Футболдан Қазақстан чемпионаты уақытша тоқтатылды

Футболдан Қазақстан Чемпионаты уақытша тоқтатылды, - деп хабарлайды Tengrinews.kz тілшісі Қазақстан кәсіпқой футбол лигасының ресми сайтына сілтеме жасап. 

"Қазақстанда эпидемиологиялық жағдайдың ушығуына және COVID-19 вирусымен ауырған адамдар санының өсуіне байланысты коронавирус инфекциясының таралуының алдын алу Мемлекеттік комиссиясының шешімімен елде 2020 жылдың 5 шілдесінен бастап 14 күнге созылатын бірқатар шектеулер енгізілді.

Шектеу талаптары бойынша спорттық іс-шараларды өткізуге тыйым салынады. Эпидемиологиялық жағдайдың өзгеруіне байланысты шектеу шаралары тағы да 2 аптаға созылуы немесе күшейтілуі мүмкін", - делінген хабарламада.

Эпидемиологиялық жағдай ушығып жатса, аталған үзіліс созылуы мүмкін.

Қазақстан жаңалықтары. Соңғы жаңалықтар. Telegram желісінде бізге жазыл!