Футзалдан Қазақстан құрамасы тұңғыш рет Еуропа чемпионатының финалдық кезеңіне жолдама алды

22 қыркүйекте Алматыдағы Балуан Шолақ атындағы спорт сарайында Қазақстан құрамасы Босния және Герцеговина командасын ойсырата ұтып, Еуропа чемпионатының финалдық кезеңіне жолдама алды, - деп хабарлайды Vesti.kz.

Кездесу 4:0 есебімен аяқталды. Голдарды Лео, Дуглас Жуниор, Павел Таку және Шыңғыс Есенаманов салды.

Еске салайық, бірінші матчта Қазақстан құрамасы Босния және Герцеговина командасын айқын басымдықпен жеңген еді. Какаудың шәкірттері сол кзедесуде бес гол соқты.

Еуропа чемпионатының финалдық кезеңі 2016 жылдың 2-13 ақпанында Белградта өтеді. Финалдық кезеңде 12 құрама төрт топқа бөлінеді. Әр топтың екі үздік командасы ширек финалға өтеді. Толығырақ мына жерден оқи аласыздар.