“Хан-Тәңірі“ футбол клубының ойыншысы Диас Төлеу матч кезінде қайтыс болды

"Хан-Тәңірі" футбол клубының ойыншысы Диас Төлеу матч кезінде қайтыс болды, - деп хабарлайды Tengrinews.kz тілшісі.

Футболшының жағдайы ойын кезінде күрт нашарлаған. "Хан-Тәңірі" клубының шабуылшысын алаңнан зембілмен алып шыққан. Кейін Диас Төлеу қайтыс болғаны хабарланды.

"Қазақстан футбол федерациясы "Хан-Тәңірі" клубының шабуылшысы Диас Төлеу мезгілсіз қайтыс болғаны туралы суыт хабарды терең күйзеліспен қабылдады. Диас жас болса да, футболға деген ерекше құштарлығымен, дарынымен көзге түскен еді. Отбасының, жақындарының және командасының қайғысына ортақпыз", - деп жазылған ҚФФ хабарламасында.

Ол бар болғаны 19 жаста еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!