Ибрагимович "Матрицадағы" Нео стилінде жаттықты

Италиялық "Милан" шабуылшысы Златан Ибрагимович команданың жаттығуы кезінде тамаша техника көрсетті. Ол допты "Матрицадағы" Нео стилінде игерді, - деп хабарлайды Vesti.kz.

Удинезеге қарсы ойынның алдында Ибрагимович тағы бір трюк жасады. Швед футболшысы допты кеудесіне қойып, екі аяғын бүгіп, жерге дейін еңкейді. Осы сәт видеоға түсірілген. Желіде Златанды Неомен ("Матрица" кейіпкері) салыстырды.  

Ибрагимович "Миланға" 2020 жылы қаңтарда еркін агент ретінде оралды. 38 жастағы футболшы Италия чемпионатында үш (екеуін негізгі құрамда) ойынға қатысып, бір гол соғып үлгерді.