Италиялық танымал экс-футболшы ауруханаға түсті

Туриндік "Ювентустің" экс-шабуылшысы Алессандро Дель Пьеро Лос-Анджелесте ауруханаға түсті, - деп хабарлайды Vesti.kz.

Бұрынғы италиялық футболшы жанкүйерлерін ауруханада коронавирусқа байланысты жатпағанын сендірді, оның бүйрегінен тас табылған. 

"Үш миллиметр ғана болатын кішкентай заттан осынша нашарлағаныма әлі сене алар емеспін", - деп жазды Дель Пьеро Instagram-парақшасында.

Дель Пьеро "Ювентус" сапында 1993 жылдан 2012 жылға дейін ойнаған. Туриндік клубтың сапында форвард Италия чемпионы (1994/1995, 1996/1997, 1997/1998, 2001/2002, 2002/2003, 2011/2012 маусым), Италия кубогының (1994/1995 маусым) және ел Суперкубогының иегері (1995/1996, 1996/1997, 2001/2002, 2002/2003 маусым), сондай-ақ, Чемпиондар лигасының жеңімпазы (1995/1996 маусым) атанған.  

Қазақстан жаңалықтары. Соңғы жаңалықтар. Telegram желісінде бізге жазыл!