+7 (777) 001 44 99
Қазақша
Русский
English
03 қараша 2020 | 17:07
"Қайрат" 16 жылда алғаш рет Қазақстан чемпионы атанды
Алматылық "Қайрат" клубы футболдан Қазақстан чемпионатында жеңімпаз атанды, - деп хабарлайды Vesti.kz.
ПОДЕЛИТЬСЯ
Алматылық "Қайрат" клубы футболдан Қазақстан чемпионатында жеңімпаз атанды, - деп хабарлайды Vesti.kz.
Бүгін, 3 қарашада алматылық команда шымкенттік "Ордабасыны" қабылдап, 3:1 есебімен жеңіске жетті.
Кездесу есебін 36-минутта бразилиялық шабуылшы Вагнер Лав ашты.
Артынша бас төреші "Ордабасы" қақпасына пенальти белгілеген. Нүктеге Нұралы Әліп келіп, айып добын сәтті орындады.
Бірінші таймда екі доп басымдығына ие болған "Қайрат" ойыншылары екінші таймды сылбыр бастады. Сөйтіп, 77-минутта шымкенттік команданың шабуылшысы Жоао Пауло есеп айырмасын қысқартты.
Бірақ 80-минутта қонақтар сапынан алаңға тыңнан шыққан Ұлар Жақсыбаев өз қақпасына гол соғып, матч нүктесін қойды.
Айта кетейік, алматылық команда маусым соңына дейін әлі үш ойын өткізеді.
Бірақ бұл жеңісінен кейін "Қайрат" мерзімінен бұрын чемпион атанып отыр. Алматылық команда 16 жылдан кейін алғаш рет ел чемпионы болды.
Еске салайық, бұған дейін алты жыл қатарынан Қазақстан чемпионы деген атақты "Астана" командасы иеленіп келген. Бірақ биыл елордалық ұжым екінші орынға талас жүргізіп жатыр.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
