Қазақстан жастар құрамасы 94-минутта жеңіс голын соғып, топта екінші орынға шықты

Футболдан Қазақстан жастар құрамасы Еуро-2021 іріктеу кезеңі аясында Израильді жеңді, - деп хабарлайды Vesti.kz.

Назаретте өткен матч қазақстандықтардың пайдасына 2:1 есебімен аяқталды. 

Есепті Қазақстан жастары ашты. Бірінші таймның соңында Елхан Астанов өз командасын алға шығарды. 

Израильдіктер матчқа қосылған қосымша уақытта есепті теңестірді - 91-минутта Итамар Швиро гол соқты. Бірақ қазақстандықтар жеңісті жұлып әкетті. 94-минутта Оралхан Өміртаев жеңіс голын соқты. 

Осы ойыннан кейін Қазақстан жастар құрамасы тоғыз ұпаймен іріктеу тобында екінші орынға шықты. Израильде сегіз ұпай бар. 

Қазақстан жаңалықтары. Соңғы жаңалықтар. Telegram желісінде бізге жазыл!