Криштиану Роналду бұрынғы сүйіктісін жұмысқа алды

Мадридтік "Реал" мен Португалия құрамасының шабуылшысы Криштиану Роналду бұрынғы сүйіктісін жұмысқа алды, - деп хабарлайды Vesti.kz испан БАҚ-тарына сілтеме жасап.

Осылайша футболшының штабы Мариса Мендеш есімді маманмен толықты. 25 жастағы португалиялық қыз маркетинг саласында жоғары білім алған екен. Енді ол Роналдудың әлеуметтік желілердегі парақшаларымен жұмыс жүргізеді.

Айта кетейік, футболшының бұрынғы сүйіктісінің әкесі Роналдумен он жылдан аса уақыт жұмыс істеп келе жатқан 50 жастағы Жорж Мендеш. Қызы Мариса Мендештің Instagram желісіндегі суреттеріне қарағанда, Роналду қыздың отбасымен жақсы қарым-қатынаста. Сонымен қатар, былтыр ақпарат құралдарында Роналду мен Мариса Мендеш жайлы көп айтылған болатын, алайда жастар қарым-қатынастары жайлы мәліметті растамады.