Криштиану Роналдудың үстінен қылмыстық іс қозғалды

Испания прокуратурасы салық төлемегені үшін "Реалдың" шабуылшысы Криштиану Роналдуға қатысы іс қозғады, - деп хабарлайды Рейтер.

Прокуратураның арызы Испанияның салық органдарының есебіне негізделген. Прокуратура 2011-2014 жылдар аралығы футбол жұлдызы 14,7 миллион еуро салықтан жалтарғанын анықтаған. Іс материалы бойынша, Роналду шынайы табысын жасыру үшін 2010 жылы жасағн "бизнес-құрылымды" пайдаланған. 

Мұның алдында испаниялық БАҚ Роналдудан төленбеген сегіз миллион еуро өндіріліп, 12 ай түрмеге қамалуы мүмкін екенін жазған. Осыдан кейін португалиялық футболшы өз еркімен алты миллион еуроны төлегені хабарланған.