Мексикада қызыл қағаз көрсеткен төрешіні өлтіріп қойған футболшының видеосы пайда болды

Мексиканың Тулансинго қаласында әуесқой командалар арасындағы матчта футболшы Рубен Ривера Васкес қызыл қағаз көрсеткен төрешіні өлтіріп қойды. 

Goal.com басылымының мәліметінше, Васкес алаңнан шығу туралы шешімді естіген соң рефериге жүгіріп келіп, бетіне соққы жасаған. Виктор Трехо құлап түсіп, тыныс алмай қалған. Алаңға жеткен дәрігерлер оның өмірін құтқарып қала алмады.

Ал футболшы абыр-сабырда қашып кеткен. Қазір полицейлер оны іздестіріп жатыр екен.