Мессидің "Алтын допты" алғаны туралы жаңалықты естігенде бірінші айтқан сөзі

France Football журналының төрағасы Паскаль Феррер "Алтын доп" жүлдесін ұсынар алдында "Барселона" шабуылшысы Лионель Мессиге қоңырау шалғаны туралы айтып берді, - деп хабарлайды Vesti.kz.

"Леоға қоңырау шалдым, жай ғана тілдесу еді. Оған жаңалығым барын айттым, ол болса, түрлі сыбыстарды оқығанын айтты. Оған мұның сыбыс емес, шынымен "Алтын допты" жеңіп алғанын айттым.

Лео "Охо, шынымен бе? Рас па?" деп жауап берді. Ол бақытты еді, осыны күтті", - деп келтіреді Феррердің сөзін Sport.es.