Неймар "Ақтөбе" футбол клубын құттықтады

Бразилия мен "Барселона" құрамаларының шабуылшысы Неймар "Ақтөбе" футбол клубын 50 жылдығымен құттықтады, - деп хабарлайды Vesti.kz.

Басылымның мәліметінше, Неймар Қазақстан құрамасының жаңа ойыншысы Витор Жуниормен кездесті.

"Ақтөбе" футбол клубының әлеуметтік желілердегі ресми парақшаларындағы мәліметтерге сәйкес, Неймар қазақстандық команданы 50 жылдығымен құттықтап, команданың жейдесіне қол қойып берді. Айта кетейік, ол жейде биыл ашылатын музейге жеткізіледі.

"Ақтөбе" футбол клубынының музейі тағы бір тамаша футболшының жейдесімен толықты. Неймар осыған дейін "Ақтөбе" командасының ойындарын қарап жүрмегенін мойындап, ендігіде тек қазақстандық командаға және досы Витор Жуниорға жанкүйер болатынын айтты", - делінген клубтың Instagram желісіндегі парақшасында.