Қазақстан құрамасының футболшылары отырған ұшақ Ереванға шұғыл қонды

Қазақстан құрамасының футболшылары отырған ұшақ Ереванға шұғыл қонды, - деп хабарлайды Vesti.kz. Бұл туралы құраманың медиа-офицері Ербол Қайыров Twitter желісіндегі парақшасында жазды.

"Ұшақ командирі әуежайға қайтып ұшып келу туралы шешім қабылдады. Чартерлі ұшақ ауыстырылған соң Қазақстанға қайту жоспарланып отыр.

Қазақстан құрамасы отырған ұшақ Ереванға шұғыл қонды. Ол сол жақтан ұшып кеткен болатын. Ұшақтың қонуына шассидегі ақау себеп болған", - делінген хабарламада.

Еске сала кетейік, 26 наурызда Ереванда 2018 жылы өтетін әлем чемпионатына іріктеу матчында Қазақстан құрамасы Армения құрамасынан 0:2 есебімен жеңілген болатын.