Роналдиньоны қамауға алуға ордер берілді

Парагвайдың бас прокуратурасы жалған төлқұжатты қолданғаны үшін футболшы Роналдиньоны тұтқындауға ордер берді, - деп хабарлайды Tengrinews.kz тілшісі.

"Роналдиньо жалған жеке куәлік қолданды деп айыпталды, бас прокуратура оны қамауға алу ордерін берді және оны алдын ала қамауға алуды талап етеді", - деп хабарлады Парагвай бас прокуратурасы Twitter-де.

Еске салайық, жақында Бразилия құрамасының бұрынғы футболшысы Парагвайда елге кіру кезінде жалған төлқұжат қолданды деген күдікпен ұсталды. Кейін 6 сағат жауап алынған соң ол босатылған болатын.

Қазақстан жаңалықтары. Соңғы жаңалықтар. Telegram желісінде бізге жазыл!