Роналду мансабын аяқтайтын клубты таңдады

Криштиану Роналдудың ісін жүргізетін агент Жорже Мендеш футболшының ары қарайғы жоспарлары жайлы айтып берді, - деп хабарлайды Vesti.kz Football Italia басылымына сілтеме жасап.

10 шілдеде мадридтік "Реал" Португалия құрамасының 33 жастағы шабуылшысының "Ювентуске" ауысатынын мәлімдеген болатын. Роналдудың италиялық клубпен келісімшарты төрт жылға есептелген, келісімшарт құны -110 миллион еуро.

"Ювентус" Криштианудың соңғы клубы болады және ол осындай шешім қабылдағанына қуанышты. Ол өзінің керемет мансабын осы клубпен аяқтайды", - дейді Мендеш.

Роналду "Реал" сапына 2009 жылы "Манчестер Юнайтедтен" ауысқан болатын. Испаниялық клуб сапында Роналду екі рет ел чемпионаты мен төрт рет Чемпиондар лигасының үздігі атанған еді.