Владимир Газзаев "Ақтөбеге" бас бапкер болып тағайындалды

"Ақтөбе" футбол клубына ресейлік маман Владимир Газзаев бас бапкер болып тағайындалды, - деп хабарлайды Vesti.kz. Алдын ала таратылған мәлімет бойынша, Владимир Газзаев "Ақтөбемен" бір жарым жылға келісім шарт жасасқан. 

Еске сала кетейік, жеті ойында жеңіске жете алмай, соңғы матча "Қайраттан" 1:7 есебімен ұтылған "Ақтөбенің" бапкері Владимир Никитенко қызметінен босатылған болатын. Никитенко "Ақтөбе" футбол командасында бір жарым жыл жұмыс істеді. Оның кезінде клуб Қазақстан чемпионатының жеңімпазы болды және суперкубокты иемденді.  

Өз кезегінде Владимир Газзаев "Алания" командасында ойнаған. 2009 жылы ол "Алания" командасының бапкеріне көмекші болды, ол кезде Владимирдің әкесі Валерий Газзаев команданың президенті болатын. Владимир Газзаев бапкерлерге берілетін PRO лицензиясының иегері.