Тасқыннан кейін. Су басқан Атбасардан репортаж

"Аяқ киіміңізді шешіп кіру қажет емес", - дейді Александр Литвинов. Оның екі күн бұрын ғана жылы әрі жайлы болған үйінде қазір резеңке етік кимей жүру мүмкін емес. Кіре бергенде ең бірінші байқайтының - ылғалды топырақтың ащы иісі.

"Су бір күннен аса тұрды. Саман кірпіштер еріп, лайға айналды. Қабырғасы отырып, енді шіріп жатыр", - дейді үй иесі.

"Бізге бөгеттің нық тұрғанын айтып, сендірді. Енді не істейтінімізді білмеймін, - дейді Александр Литвинов. Біз зейнеттегі адамбыз, жақында маған ота жасалды, жөндеу жұмыстарын қалай істеймін? Қазір су аз болып көрініп тұр ғой, ол қабырғаны ортасына дейін көтеріліп, түнде ғана тарады".

Ер адамның айтуынша, су терезеге дейін жеткен.

Адамдар үйінен кетер кезде заттарын су деңгейінен жоғарыға шығарып кеткен.

Бірақ барлығы үлгермеген. "Төсек бұрын қабырға жақта тұратын, қазір есіктің жанына келіп қалқып тұр. Мен бөгет барда ештеңе бола қоймас деп ойладым. Маған таңғы алтыда көршім қоңырау шалып, батып кетпей тұрып үйіңнен дереу кет деді", - дейді үй иесі.

Біреулер жиһаздарын күнге кептіріп жатыр

Көрші үйдің ауласын толығымен су басты. Ит үйді күзетіп отыр. Үй иесінің айтуынша, ит орнынан кеткісі келмейді

Атбасар көшелерінде қаңғыған иттер жүр, барлығының үсті малмандай су болған. Оларды ауладан тасыған су қуып шыққан.

Алиевтер отбасының үш үйін су басқан: отағасының, ұлының және қызының.

Зардап шеккен барлық үй саман кірпіштен салынған. Су тасқыны жүрген үйлердің ылғалды топырағын қолмен-ақ тесуге болады.

Бірнеше сағат бұрын бұл бөлме бассейнге ұқсас болды. Қабырғаларда су іздері әлі де бар.

Ал бұл үйге жөндеу жұмыстары көмектеспейтін шығар. Үйдің шатыры мен қабырғалары қирап қалған.

Сергей Дронь - кәсіпкер, оның заты қойылған гаразды су басып қалған. Ол қазіргі уақытта залал мөлшерін есептеп жатыр. "Жексенбіден дүйсенбіге қараған түні су келе бастады. Судың ағысы қатты болды. Біз басында барлық заттарды жоғарыға көтере бастадық, алайда барлығын көтеріп үлгермедік. Ешкім бізді осыншама деңгейде су басады деп ойламады", - дейді ол.

Сырттан үйлердің көрінісі осындай.

Кейбір зардап шегушілер үйлеріне тек қайықпен кіре алады. Олардың үйіндегі су деңгейі әлі түскен жоқ.

Полиция су басқан көшелерді күзетіп жатыр. Олардың айтуынша, тонау деректері болмапты.

Атбасарда бір мектепті су басты. Тұрғындардың айтуынша, мектепті аман алып қалу үшін барлығы жұмыла кіріскен. Алайда бұл шара көмектеспеді

Подробнее: Қазіргі уақытта № 1-ші мектептің ауласы осындай.

Басқа бір мектепте эвакуациялық пункт жасақталды. Мұнда ешқайда барар адамдар тұра алады.

Күндіз эвакуация пунктінде адамдар аз. Көбісі өз үйінің маңында жүр.

"Біз Қасымханов көшесінде тұрдық. Жексенбі күні бізге келіп, бірер уақыттан соң су басатынын айтты. Содан соң көлік келіп, бізді алып кетіп, осында әкелді. мұнда тұрып жатқанымызға екі күн болды", - дейді Наталья Братишкина.

Зардап шеккендерді мектеп асханасында таманқтандырып жатыр. Мектеп директорының айтуынша, мұнда қонып жүргендерден бөлек, тағы біршама адам келіп ас ішеді. Сонымен қатар, осы апаттан құтқаруға Көкшетаудан келген курсанттарды да тамақтандырады екен.

Мына сарқыраған су қалаға жазықтан тоқтаусыз келіп жатыр.

Адамдардың айтқан бөгеті

Бөгетте жарылған іздер бар.

Бөгеттің мына бөлігі бүлінбеген.

Барлық зардап шеккендердің айтуынша, су тасқынына өзеннің саяз болуы себеп болған. "Өзенді көп жылдан бері ешкім тазаламады, ол саяз бола түсті, шөптер өсіп шықты, сол себепті де арнасынан асып жатыр".

Атбасар ауданының әкімдігіндегілер бөгеттің үш мың адамды су тасқынынан аман алып қалғанын айтады. Өзен арнасын қоқыстан тазалау органдағылардың жоспарына кірмейді екен. Сонымен қатар, жақын күндері су тасқынынан зардап шеккендерге өтемақы беру мәселесі шешіледі. Бірақ зардап шеккендерді бір ғана сұрақ мазалайды - олардың үйіне не болады. Бұл сұраққа әзірше ешкім нақты жауап айта алмады.