+7 (777) 001 44 99
Қазақша
Русский
English
21 ақпан 2022 | 11:47
"10 миллион қалыңмал береді". Желіде немересі пранк жасаған әжейдің видеосы жұртты сүйсіндірді
Желіде араб жігіті 10 миллион қалыңмал береді деген немересінің сөзіне күйіп, оны қазақ жігітіне күйеуге шығуға көндіріп отырған әжейдің видеосы жұртты сүйсіндірді, - деп хабарлайды Tengrinews.kz тілшісі.
ПОДЕЛИТЬСЯ
Желіде араб жігіті 10 миллион қалыңмал береді деген немересінің сөзіне күйіп, оны қазақ жігітіне күйеуге шығуға көндіріп отырған әжейдің видеосы жұртты сүйсіндірді, - деп хабарлайды Tengrinews.kz тілшісі.
Кадрларда бойжеткен әжесіне пранк жасап, арабтар 10 миллион қалыңмал беретінін айтады.
Оған кейуана жерді қолымен ұрғылап тұрып "қалың малы құрсын, қазақтың мынадай (мықты - автор.) жігітіне баруға болады" дейді.
"Ол 10 миллион береді ғой" десе де "Миллионы құрсын, өзіңді ойлашы. Көк тиын бәрі болады. Зейнетақымды беремін. Ертең 100 мың болады. Жан-жақтан көмектесе береміз ғой" дейді.
Әжейдің бұл сөзі Желі қолданушыларын сүйсіндірді.
"Жаным әжем, осындай әжелер жасай берсін", "Шырылдап түсіндіріп жатқан жүрегінен айналайын, әже. Қарты бар үй қазыналы деп бекер айтпаған", "Апамызға ақша емес қазақтың қаны мен абыройы керек болып тұр ғой", "Апасымен ойнап отыр ғой! Жаман нәрсе істеп отырған жоқ, ойнай алатын немере - ол, екеуіне тамсана, қызыға қарап отырмын!" дейді Желі қолданушылары пікірлерде.
"Сол үшін зейнетақыны көтеру керек" дегендер де бар.
Кейуананың денсаулығына уайымдап, немересінің пранк жасағанын сынағандар да кездесті.
Айта кетейік, бұған дейін араб еліне келін атанған қазақ қызының видеосы қызу талқыланған болатын. Қалыңмалы 10 миллион теңгеге бағаланған қалыңдық Tengrinews.kz тілшісіне сұхбат берген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
