Apple жаңа гаджеттерін таныстыратын күнді атады

Америкалық Apple корпорациясы жаңа гаджеттерін таныстыратын күнді атады, - деп хабарлайды Bloomberg.

Компания жаңа өнімдерін көпшілікке 21 наурызда көрсетеді. Apple таныстыратын гаджеттердің ішінде iPhone 5s смартфонының жетілдірілген нұсқасы - iPhone 5se және iPad Air 3 планшеті бар. Бұл туралы компания электрондық пошта арқылы таратылған шақыртуларда айтылған. Гаджеттердің таныстырылымы Калифорния штатындағы Купертино қаласындағы Apple компаниясының басты ғимаратында өтеді.

Еске салайық, бұған дейін компания таныстырылымның 15 наурызда өтетінін хабарлаған еді. Дегенмен кейін таныстырылым күні ауыстырылды.