Енді "Қазақстан" деп көрсетіледі. Министр көпшілікті алаңдатқан мәселе шешілгенін айтты

Енді iOS 14 қолдайтын iPhone 6 және одан кейінгі құралдарда "+77" және "+76" халықаралық кодтардан түсетін қоңыраулар "Қазақстан" деп көрсетіледі, - деп хабарлайды Tengrinews.kz тілшісі.

Бұл туралы цифрлық даму, инновациялар және аэроғарыш өнеркәсібі министрі Бағдат Мусин Facebook-парақшасында айтты. 

"Apple компаниясымен бірге көпшілікті алаңдатқан бір мәселені реттедік - енді "+77" және "+76" халықаралық кодтардан түсетін қоңыраулар "Қазақстан" деп көрсетіледі. Apple өтінішімізді барынша жылдам қарастырып, бізге ықылас танытқанын атап өткім келеді", - деді министр. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!