Жаңа Android шығатын күн белгілі болды

Android Q бірінші сынақ нұсқасы 7 наурыздан бастап қолжетімді болады. Бұл туралы Ars Technica тілшісі Рон Амадео мәлімдеді, - деп хабарлайды Tengrinews.kz тілшісі. 

Бағдарлама жасаушылар жаңартылған операциялық жүйені екі ай зерттейді.

Жаңа жүйе 7 мамырда ресми түрде Google I/O конференциясында көрсетіледі. 

Комсомольской правда мәліметі бойынша, Google операциялық жүйесінің жаңа нұсқасына экранды видеоға түсіру функциясы және адамды түр-әлпетінен тану режимі, сондай-ақ қара түсті дисплей қосылады. Ол құрылғы қуатын үнемдеуге мүмкіндік береді.