"Барыстың" экс-капитаны АҚШ-тың бір қаласына әкім болмақ

Хоккейден "Барыс" клубының әрі Қазақстан құрамасының бұрынғы капитаны Брэндон Боченски АҚШ-тың Гранд-Форкс қаласындағы әкім сайлауына қатысып жатыр, - деп хабарлайды Vesti.kz.

Бұл Солтүстік Дакота штатындағы адам саны бойынша үшінші қала. Гранд-Форкс округінің оталығы. Тұрғын саны 50 мыңнан асады. 

"Гранд-Форкс қаласына жаңа өмір мен жаңа қуат алып келетін уақыт жетті. Гранд-Форксты сүйемін және қоғамға қызмет еткім келеді", - деп жазды хоккейші өзінің Instagram желісіндегі парақшасында. 

Хоккейші бұл қалаға спорттық мансабын 2019 жылы аяқтаған соң көшіп келіп, Berkshire Hathaway Homeservices Inc. компаниясында жұмыс істей бастады.