Банк картасын қолданушылар төлемді селфи арқылы растай алады

MasterCard жүйесін қолданушылар төлемді селфи арқылы растай алады, - деп хабарлайды РИА Новости. Бұл туралы Financial Times басылымында жазылды.

Жаңа жүйе ұялы телефон арқылы жасалатын төлем рәсімін жақсарту мақсатында ойластырылды. Басылымның мәліметінше, Интернет арқылы төлем жасауды селфи немесе саусақ іздері арқылы растау құпия сөзді немесе растау кодтарын енгізуді алмастырады.

Жүйе қазір Ұлыбритания мен Нидерландыда сынақтан өткізіліп жатыр. Компанияның мәліметінше, жүйе жазда 14 елде қосылады.