Батыс Қазақстан облысында оқушы қыздың өлімінен кейін 7 сайт жабылды

Батыс Қазақстан облысында суицидті насихаттаған 7 сайт жабылды, - деп хабарлайды Tengrinews.kz тілшісі облыстық прокуратураның баспассөз қызметіне сілтеме жасап.

Ведомствоның мәліметінше, 2014 жылдың 25 қарашасында Ақсай қаласында 16 жастағы қыз өз-өзіне қол жұмсады. Тексеру барысында қыздың Интернеттен "Өзін-өзі өлтіру" және "Өзін-өзі өлтіру арқылы қалай өмірмен қоштасуға болады" деген сайттарға жиі кіргені анықталды.

Дерекке сәйкес прокуратура сайттарды жабуды жедел қолға алды.