Ғалымдар "ең ақылсыз" жасанды интеллектті атады

Қытай зерттеушілері жасанды интеллект саласында түрлі жүйелерге зерттеу жүргізіп, Siri қызмет көрсету жүйесін мағынасыз деп таныды, - деп жазады Business Insider.

Ғалымдар жасанды интеллект жүйелерін салыстырып, Google қызмет көрсету жүйесінің IQ көрсеткіші 43,7 балл екенін анықтады. Сондай-ақ, тізімде артынша Baidu (33), Microsoft's Bing (32) және Siri (24) жүйелері тұр. 

Зерттеушілердің айтуынша, Google осы жүйелердің ішінде көшбасшы болса да, оған адам интелектісінің деңгейіне сәл де болса жақындау үшін әлі біраз жұмыс істеу қажет. Мысалы, зерттеулерге қарағанда, 6 жасар қыздың IQ деңгейі 55,5 балл болуы керек.

Айта кетейік, Siri Apple өнімдері iOS, watchOS және macOS жүйелеріндегі көмекші сервис түрі.  Ол алғаш рет 2011 жылы iPhone 4s гаджетіне енгізілген еді. Ал 2015 жылдан бастап Siri жүйесі орыс тілінде қызмет көрсете бастады.