Google аэростаттардың көмегімен жер шарын Интернетпен қамту ойынан бас тартты

Google және Alphabet бөлімшесі Project Loon жоспарын жүзеге асырудан бас тартты, олар аэростаттардың көмегімен жер шарын Интернетпен қамтамасыз еткісі келген. Оның орнына олар сол жүйе арқылы интернетті қажет ететін аудандарда ғана қамтамасыз етпекші, - деп хабарлайды TJournal.

Компаниядағылар шектеулі шарларды жіберу тиімді әрі табысты болатынын айтады. 

Project Loon басшысы Астро Теллер (Astro Teller) бұл жоспар табысты болатынына сенеді. 

"Project Loon алгоритмі кейбір шарлардың орнын ауыстырып, нақты бір өңірдің үстіне жиналатын болады. Осылайша интернетті қажет ететін аудандарда жасалады. Біз нақты бір өңірде интернетпен қамтуды бірнеше аптадан соң бастаймыз, себебі бізге аэростаттарды ұшырып, басқарып отыру үшін бір айға жетпес уақыт кетеді", - дейді Астро Теллер. 

Project Loon басшысының айтуынша, мұндай әрекет тезірек іске қосылып, мүмкін болады. Ол осы бірінші ұшырған кезде шамамен 10-нан 30-ға дейін аэростат жіберілуі мүмкін екенін айтты. 

Google компаниясы Project Loon жобасымен 2011 жылдан бері айналысып келеді. 2014 жылы компанияның инженерлері әр 15 минут сайын бір аэростаттан жіберіп отыратынын айтқан. Шардың әрқайсысы ауада алты ай бойы қызмет көрсетеді.