Google қазақстандықтарды Тәуелсіздік күнімен құттықтады

Америкалық Google корпорациясы Қазақстан мен қазақстандықтарды Тәуелсіздік күнімен құттықтады. 16 желтоқсанда іздеу жүйесінің қазақстандық парақшасында Қазақстан туы бейнеленген логотип пайда болды, - деп хабарлайды Tengrinews.kz тілшісі.

Айта кетейік, компания республика тұрғындарын бұл мерекемен алғаш рет құттықтап отырған жоқ. 2011 жылдың желтоқсанында, Қазақстан тәуелсіздіктің 20 жылдығын тойлаған кезде іздеу жүйесінің басты бетінде мынадай логотип пайда болған еді:

Google-дың мерекелік логотиптері "дудл" деп аталады. Мұндай логотиптер тарихтағы ұлы адамдардың туған күндерінде, мереке кездерінде қойылады.