Қазақстанда белгісіз біреулер Facebook желісінде вице-министрдің атынан аккаунт ашты

Қазақстанда белгісіз біреулер Facebook желісінде вице-министрдің атынан аккаунт ашты, - деп хабарлайды Tengrinews.kz тілшісі Қазақстан Республикасы Денсаулық сақтау және әлеуметтік даму министрлігінің баспасөз қызметіне сілтеме жасап.

Баспасөз қызметінің мәліметінше, ҚР Денсаулық сақтау және әлеуметтік даму бірінші вице-министрі Салидат Қайырбекованың бүгінгі таңда әлеуметтік желілердің ешқайсында аккаунты жоқ. 

"Салидат Қайырбекованың атымен белгісіз адамдар Facebook әлеуметтік желісінде ашқан аккаунт фейк боп табылады. Ол жерде орналастырылған кез келген ақпарат Қайырбекованың пікірі немесе ұстанымы емес", - делінген хабарламада.