Қолданушылар туралы мәлімет жинағаны үшін Франция Facebook желісіне 150 мың еуро айыппұл салды

Францияның Ақпараттық технологиялар және еркіндік жөніндегі ұлттық комиссиясы (Commission nationale de l'informatique et des libertes, CNIL) Facebook желісіне 150 мың еуро айыппұл салған. Бұл туралы комиссияның ресми хабарламасында айтылады, - деп хабарлайды Тengrinews.kz тілшісі. 

"2015 жылы Facebook мәліметтерді пайдалану саясатын өзгертетіні туралы жариялағаннан кейін, CNIL мәліметтерді қорғау туралы заңның орындалуын қадағалау үшін бақылау жүргізді", - делінген шағымда. 

Тексеріс қорытындысы бұл заңның бірнеше рет бұзылғанын көрсеткен. Соның ішінде, Facebook мекенжай жарнамасы үшін жеке мәліметтерді пайдаланғанын атап өтті комиссия өкілдері. 

2016 жылдың қаңтарында CNIL әлеуметтік желіге кемшіліктерді үш ай ішінде түзеуді ұсынған. Кейін бұл мерзім ұзартылды. Алайда комиссия сұраған өзгерістер жасалмаған.