Саяхатшы бір видеоселфиді үш жыл түсірді

Бір видеоселфи жасау үшін атақты мотосаяхатшы Алекс Чакон үш жыл уақытын жұмсады, - деп хабарлайды Tengrinews.kz тілшісі.

Чакон сапарнама түріндегі видеоселфи жасау үшін 200.000 шақырым жерді мотоциклмен жүріп өткен, саяхат барысында ол өзін әлемнің ең атақты жерлерінде видеоға түсіріп отырды. 

Саяхатшы барлық континенттің 75 шекарасын мотоциклмен кесіп өтіп, жер бетіндегі ең шалғай және зерттелмеген жерлерде болды. Алекс өзі барған 93 елдің барлығында өзімен бірге GoPro камерасын алып жүрді.