WhatsApp-та түрлі түсті статустар пайда болды

WhatsApp статустары түрлі түсті болады. Енді қолданушылар тек фон мен қаріп түсін ғана таңдап қоймай, сілтемелерді де қоса алады, - деп хабарлайды VentureBeat компания өкіліне сілтеме жасап. Әзірше мұндай мүмкіндік қолданушылардың шектеулі санында ғана бар, алайда, жақында жалпыға қолжетімді болады. 

Facebook түсті статустарды былтырдан бері тестілеп келеді. Ал биыл наурызда оларды барлық қолданушы пайдалана алатын болды. Ендігі кезекте Facebook компаниясына тиесілі WhatsApp мессенджерінде де осындай қызмет түрі пайда болады. 

Қолданушылардың көпшілігі статустың фон бояуы ұнамсыз екенін айтқанымен, Facebook жаңа қызметті өзінің қосымшаларына қосуды жалғастырып жатыр. Компания өкілдері бұл қолданушылардың ынтасын арттырады деген ойда.