+7 (777) 001 44 99
Қазақша
Русский
English
26 желтоқсан 2023 | 09:59
1 қаңтардан бастап балаларға төленетін төлем: 2024 жылы қанша ақша бөлінеді?
Ұлттық банк Ұлттық қордың 2023 жылға арналған инвестициялық кірісінің көлемін жариялады, оның жартысы қазақстандық балаларға аударылады, - деп хабарлайды Tengrinews.kz тілшісі.
ПОДЕЛИТЬСЯ
Ұлттық банк Ұлттық қордың 2023 жылға арналған инвестициялық кірісінің көлемін жариялады, оның жартысы қазақстандық балаларға аударылады, - деп хабарлайды Tengrinews.kz тілшісі.
Ұлттық банк Tengrinews.kz ресми сауалына берген жауабында Ұлттық қордың 2023 жылдың 11 айындағы инвестициялық кірісі алдын ала мәліметтер бойынша 7,92 пайыз немесе шамамен 4,4 миллиард доллар болғанын хабарлады.
Ұлттық қордың активтерін басқару процесі ұзақ мерзімді инвестициялау қағидаты бойынша құрылғаны атап өтілген. Сондықтан, Ұлттық қор кірістеріндегі қысқа мерзімді құбылмалылықты сіңіру және балалардың шоттарына тұрақты жыл сайынғы төлемдерді қамтамасыз ету мақсатында есептеулерде 18 жылдағы орташа инвестициялық кірісті пайдалану туралы шешім қабылданды.
"2005-2022 жылдар аралығындағы табыс жылдық мәнде 2,6 пайыз немесе 1,4 миллиард доллар болды. Сәйкесінше, 2024 жылы "Ұлттық қор - балаларға" бағдарламасы аясында 2024 жылы 18 жасқа толғандарды қоса алғанда, барлық алушыларға шамамен 695,5 миллион доллар бөлінеді", - деп хабарлады Ұлттық банк.
Төлемдерге сомаларды есептеу үшін жылжымалы негізде есептелетін Ұлттық қордың соңғы 18 жылдағы орташа жылдық табыстылығы пайдаланылатыны, балалардың арнайы жинақтау шоттарына есептелетін инвестициялық табыстың жыл сайынғы сомасы Ұлттық қордың табыстылығына байланысты өзгеріп отыратыны түсіндіріледі.
"Төлемдерді жүзеге асыру тәртібі, төленетін соманы есептеу әдістемесі және алушылардың саны Үкімет 2024 жылдың қаңтарында бекітетін ережелерге сәйкес айқындалады", - деп қорытындылады Ұлттық банк.
Бұған дейін Қаржы министрлігі Ұлттық қордан қаражат 2024 жылдың 1 ақпанынан бастап балаларға төлене бастайтынын хабарлаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
